Fitness

Studiet er eit halvårsstudium som delvis kan inngå som første år i bachelorstudiet i Idrett fysisk aktivitet og helse, bachelorstudiet i Idrett og kroppsøving eller bachelorstudiet i Friluftsliv 

Studiet er retta mot personar som ønskjer å veilede personleg trening, i treningsstudio; eller innan fysisk aktivitet og helse ved andre institusjonar. Målgruppa er og personar som ønskjer å arbeide med fysisk aktivitet og trening.  Ein del studentar tek dette studiet før dei startar idrettsutdanning, fysioterapi, sjukepleie, politiutdanning o.l.

Opptakskrav til studiet er generell studiekompetanse eller realkompetanse.

Det er tilnærma like mykje undervisning i teoretiske og praktiske emne.
Studiet inneheld desse emna:

Treningsplanlegging, 10 sp

Rørslelære, anatomi, motorikk, 10 sp

Personleg trenar, 10 sp

Hovudarbeidsforma i dei teoretiske emna vil vere førelesingar, gruppe- og individuelt arbeid. I dei praktiske timane vil det metodiske grunnlaget vere sentralt, saman med fagkunnskap, eigendugleik og meistring av sentrale element i dei ulike aktivitetane. Praktisk og teoretisk lærestoff blir integrert i timane.

Studentane får arbeidsoppgåver knytt til praktisk aktivitet, framleggingsoppgåver og innleveringsoppgåver gjennom studiet som skal stimulere til større eigenaktivitet.

Etter fullført studium skal studenten:

•  kunne arbeide som personleg trenar (PT) på treningssenter, friskvernsføretak, i idrettslag, med mosjonsgrupper eller som sjølvstendig næringsdrivande
•  kunne forklare, bruke og kunnskap frå fysiologi og treningslære, og nytte metodar og treningsprinsipp  i praksis
•  kunnskap om fagområdet rørslelære, anatomi, motorikk og nytte teorien praktisk og funksjonelt
•  kunne vise kunnskap og kompetanse innan treningsplanlegging når det gjeld kroppen sin reaksjon på ulike typar trening
•  kunne organisere, tilrettelegge og veilede på ulike dugleiksnivå

Arbeidskrava går fram av emneomtalane.

Sluttvurdering går fram av emneomtalane.

Pensum går fram av emneomtalane.