FP334 800 Kristendoms-, religions- og livssynskunnskap (KRL)

Etikk og verdigrunnlag:

- Verdigrunnlaget i barnehagen og samarbeid med heimen
- Etikkens grunnlagsspørsmål og tilhøvet til religionar og livssyn

- Barnerelatert områdeetikk

- Yrkesetikk
- Det etisk forsvarlege i møte med etiske dilemma, konfliktar og barn i krise

Kulturelt mangfald:
- Hovudtrekk ved to religionar og eitt sekulært livssyn utanom kristendommen
- Kva religionar og livssyn inneber for identiteten

- Livssyns- og religionsminoritetar i Norge

Kristen tru og tradisjon:
- Sentrale bibelforteljingar og element i kristen tru
- Kristne høgtider og merkedagar
- Kristendommen i kulturen lokalt og nasjonalt

Nokre fagdidaktiske tema:
- Barns føresetnader, førestellingar og spørsmål i møte med religion, livssyn og moral

- Religions- og kulturmøta i den fleirkulturelle barnegruppa

- Analyserte og reflekterte val i møte med det religiøse og livssynsmessige mangfaldet
- Samarbeid om praktiske løysingar for einskildborn på fagområdet

Studiet er organisert med vekesamlingar i Sogndal og studiegrupper lokalt. Arbeidsformer på samlingane er førelesingar, studentaktive- og problembaserte læringsformer med arbeid individuelt og i grupper. Arbeidsformene på samlingane, i lokale grupper og individuelt byggjer på at IKT vert nytta, og læringsplattforma er Fronter. Mellom samlingane ligg aktiv bruk av lokale studiegrupper og undervisninga vil i større grad enn elles leggje til grunn at det vert arbeidd etter ein plan mellom samlingane. IKT skal understøtte læringa og auke samhandlinga mellom studentane på felles- og gruppesamlingar, mellom enkeltstudentar og mellom studentar og faglærarar (informasjon, dialog og rettleiing).
Teoretisk innsikt og opplevd aktivitet skal danne grunnlag for studentane når dei skal planleggje, legge til rette, gjennomføre og vurdere pedagogisk arbeid med barn, både inne og ute.

I studiet er mapper elektoniske, om ikkje anna er sagt.

Studenten:

- har tilegna seg kunnskap om religionar og livssyn, med særleg vekt på kristendommen

- har innsikt i barns livstolking og trening i å drøfte etiske utfordringar

- er budd til arbeid med religiøst- og kulturelt mangfald

- har utvikla haldningar som gjer at ho/han møter barn, foreldre/føresette og andre vaksne med ulike livssyn med respekt og innsikt

- kan legge opp verksemda slik at alle barn får støtte for sin eigenart og får respekt for andre

- kan arbeide med tema som høgtider, årstider og gangen i naturen, sett i høve til den overordna profilen på studiet

- er reflektert i høve til eigen livssynsståstad, eigen verdiforankring og praksis.

20 veker praksis integrert i fagstudiet over tre studieår. Sjå eigen plan for praksis.

- Det er obligatorisk frammøte til undervisninga
- Arbeid i lokale grupper

- Ei skriftleg oppgåve knytt til eit tverrfagleg tema
- Arbeidsoppgåver i gruppe

- munnleg framlegg i undervisninga

Vårsemester:
FP334 810 KRL, del 1 (7 sp):
Skriftleg, individuell eksamen
Tid: 4 timar.
FP334 820 KRL, del 2 (5 sp):
Ei arbeidsoppgåve i gruppe eller individuelt

HSFOppdrag/betalingsemne:
FP336 810 KRL 7 sp:
Skriftleg, individuell eksamen
Tid: 4 timar.

Førebels pensumlitteratur:
Andre religionar og sekulære livssyn:
-Eidhamar, Levi Geir (2002): Små mennesker – stort mangfold : religioner og livssyn i barnehagen. Kristiansand: Høyskoleforlaget. Kapittel 1,2,3,5 og 6

Etikk:
- Leer-Salvesen, Paul og Eidhamar, Levi Geir (2008): Nesten som deg selv. Kristiansand: Høyskoleforlaget. 3.utgåve.

Kristen tru og tradisjon og religionspedagogikk:
-Helje Kringlebotn Sødal (2009): Kristen tro og tradisjon i barnehagen. Kristiansand: Høyskoleforlaget. 4. utgåve.

- Dessutan to til fire artiklar

- Rammeplan for barnehagen 2006 er grunnbok i alle emna i faget
- Bibelen er grunnbok for ”Kristen tru og tradisjon”