SA584 Ulikskap og marginalisering

Ingen, men ein tilrår at ein på førehand har teke emnet SA582 Sosiologiske perspektiv.

Studenten skal etter avslutta emne kunne:

· gjere greie for sentrale omgrep og teoriar om sosial ulikskap, marginalisering, subkultur og kulturell motstand
· vise kunnskap og forståing for korleis moderniseringsprosessar på makronivå kan bidra til marginaliseringsprosessar på mikronivå
· vise kunnskap og forståing for korleis familieforhold, klasse, etnisitet, kjønn og lokal oppvekstforhold kan påverke marginaliserings- og integreringsprosessar
· drøfte problemstillingar om sosial ulikskap, marginalisering, subkultur og kulturell motstand med grunnlag i relevant forskingslitteratur
· skrive resonnerande tekstar som analyserer faglege bidrag om emna sosial ulikskap, marginalisering, subkultur og kulturell motstand.

Sentrale sosiologiske perspektiv og teoritradisjonar vert utdjupa ved å nytte desse på konkrete studiar av ungdom som livsfase. Det vert lagt særleg vekt på etnografiske og andre kvalitativt orienterte studiar som fokuserer på sosial samhandling på gruppe-/mikronivå. Emnet rettar merksemda mot konsumentkultur, kropp, stil, utdanning og fritidsaktivitetar som ein del av dei unge sitt identitetsprosjekt. Variasjonen i kulturelle handlingsmønster blir mellom anna problematisert og fortolka i høve to rammer: På den eine sida som uttrykk for framveksten av ein større kulturell kompleksitet av sidestilte livsstilar, og på den andre som uttrykk for sterkare sosial ulikskap i termar av kjønn, klasse og etnisitet. Forholdet mellom ulike klassekulturar, subkulturar og marginaliseringsprosessar står derfor sentralt. Modulen gir ei fagdidaktisk innføring ved å tematisere sosiologi som grunnlag for refleksjon over ungdom sin livssituasjon og som orienteringsmedium i denne livssituasjonen.

Førelesingar, seminarundervisning, skriftleg arbeid, rettleiing og sjølvstudium.
Oppgåve til mappe: studentane skal skrive ei oppgåve og får tilbod om skriftleg rettleiing. Oppgåva inngår som ein del av sluttvurderinga.

Ingen.

SA584 ME: Ei skriftleg oppgåve til mappe, vekting 50%.
SA584 MU: Munnleg eksamen, vekting 50%.

Ein tek opp att den delen ein eventuelt stryk i. Ved ny eksamen på grunn av stryk eller forbetring av karakter på mappa skal ny oppgåve løysast.

Pensum kan bli endra før semesterstart.

Bøker:

Bjørgo, T. et al: Generalisert hat – polariserte fellesskap : om konflikter mellom ungdomsmiljøer i en norsk by. NIBRs PLUSS-serie 4-2001.

Bunar, N. og Mats Trondman. (red.) (2001 ): Varken ung eller vuxen.  Stockholm, Atlas (s31-163, 289-340, 381-439 og 453-550).

Heggen, K. et al (2003):De andre – Ungdom, risikosoner og marginalisering. Bergen, Fagbokforlaget (kap 4, 6, 7, 8 og 10).

Sandberg, S. og Pedersen, W. (2006): Gatekapital. Oslo, Universitetsforlaget (s25-89, 217-248).

Trondman, M. (1999) : Kultursociologi i praktiken. Studentlitteratur (s75-236, 361-389).

Kompendium:
1)
Hylland Eriksen, T. og Torunn Arntsen Sørheim (2003): Kulturforskjeller i praksis – Perspektiver på det flerkulturelle Norge(utdrag). Gyldendal akademisk.
2)
 Becker, H. (1973): Outsiders (utdrag). New York, The Free Press.

Kompendium får ein kjøpt i Kompendieutsalet i Fossbygget.

Tilrådd tilleggslitteratur:

Korsnes, Olav (red.): Sosiologisk Leksikon. Universitetsforlaget 2008.
Østerberg, D: Sosiologiens nøkkelbegreper . Cappelen 1985.