Jus

Juridisk kunnskap er nyttig i mange yrke. I årsstudium i jus får du innføring i lover og reglar som gjeld både for privatpersonar og i det offentlege. Studiet er likt med første året på masterstudiet i jus ved Universitetet i Bergen, og du kan søkje om å gå vidare på masterstudiet der, om du ønskjer det.

• Korleis rettssystemet er oppbygd
• Korleis juristar tenkjer når dei løyser rettsspørsmål (juridisk metode)
• Rettsreglar på rettsområde som kontraktsrett, forvaltningsrett og familierett

• Årsstudiet i jus er eit studium i sentrale juridiske emne. Du skal lære å analysere, drøfte og ta standpunkt til ulike rettsspørsmål.
• Du lærer å forstå det juridiske språket, og tenkinga som ligg til grunn for dette.

• Studiet kan etter søknad inngå som fyrste år ved masterstudiet i jus ved Universitetet i Bergen
• Studiet kan etter søknad inngå som del av bachelorgrad ved andre høgskular og universitet, til dømes i ei økonomisk-administrativ utdanning
• Studiet kan og brukast som eit supplement til anna utdanning, til dømes som vidareutdanning for sakshandsamarar i offentleg forvaltning

• Prognosane på arbeidsmarknaden seier at det vil vere stor etterspurnad etter juridisk kompetanse dei kommande åra.
• Studiet er også nyttig for folk som jobbar i private bedrifter og som treng grunnleggande juridisk kompetanse