EN6-302
Merkantil engelsk
Valfritt emne i bachelorstudia i økonomi og administrasjon og turisme og reiseliv.
Faget tek sikte på å auka kompetansen i både munnleg og skriftleg engelsk med vekt på forretningskommunikasjon. Samstundes vil ein øve inn grammatikk, ordforråd og idiomatikk.
Studiet inneheld desse hovudemna:
- munnleg engelsk
- skriftleg engelsk
- engelsk grammatikk
- studentpresentasjonar
Munnleg engelsk:
Engelsk vil konsekvent verte brukt som kommunikasjonsspråk i timane. Undervisninga vil fokusere på bruk av engelsk i situasjonar som helsing, telefonsamtalar og uformell kontaktskapande samtale. Vidare vil ein fokusere på bruk av språk i forhandlingar, møteteknikk og presentasjonar. Studentane vil også få høve til å simulere relevante situasjonar i arbeidslivet med gruppearbeid og "case-studies".
Skriftleg engelsk:
Emnet tek opp: forretningskorrespondanse, møtereferat, brosjyrar og rapportar. Det vil verte lagt opp til ein del skriftlege arbeid i løpet av semesteret. Dette gjev studentane skrivetrening og skal gje utgangspunkt for undervisning rundt formelle sider ved språket.
Engelsk språk:
Kurset skal gje ei innføring i praktisk grammatikk. Denne innføringa skal betre studentane si språkføring og gje generell kunnskap om språket.
Kulturkunnskap:
For å kunne kommunisere effektivt internasjonalt er det ein stor fordel å kjenne til kulturen i det aktuelle landet. Ein vil derfor arbeide med tekstar som tek føre seg økonomiske, historiske og kulturelle tilhøve i engelsktalande land.
Studentpresentasjonar:
Studentane skal gje både formelle og uformelle presentasjonar. For eksempel: presentasjonar av "case-studies" og meir uformelle presentasjonar som del av gruppearbeid.
Arbeidsmetodane vil veksle mellom førelesingar, undervisning i grupper og individuelt arbeid.
Deltaking i undervisninga og i øvingsoppgåvene er obligatorisk. Ei innleveringsoppgåve i litteratur.
Mappe: 60%, delkode 001
Innhaldet i mappa:
Introduksjon
To brev frå forretningskorrespondanse
Eit eksempel på CV
1 prosjektoppgåve
Munnleg: 40%, delkode 002
Kaczmarek, S & Locker, K. (2004), Business Communication: Building
Lodge, D.(1989 Nice Work. Penguin Books